To Remove Blackhead

Blackheads khatam karne k liye Tips

Blackheads ko dour karne k liye Masoor ki daal ka ubtan,gaaye k doodh me mila kar din mein 2 bar lgana bohut mufeed hai.

Is se na sirf blackheads khatam hone mein madad milti hai balk chehre ki rangat bhi nikhar jati hai.

Natural Radiance And Beauty Of Skin

Jild Ki Qudurti Chamak Or Khoobsurti

Agar chehre ki jild khushk ho to balaayee ka istemaal karen.Thandi balaayee ka massage chehre ko daagh dhabbon s paak karta hai.

Glacerine or Lemon ka russ hum-wazan milaa kar chehre par lagane se chehre ki jild ki qudurti chamak or khoobsoorti mein izafa hota hai.

Jild ko mulayem or saaf suthra karne k liye ubalte hue paani mein bason mila kar ise thanda hone den,or phir is se haath,moonh or paon saaf karen,is se jild mulayem or saaf ho jayegi.

Tips for Manicure

Haathon Ki Sufayee

Chehre k elawa haathon ki sufayee bhi nihayat zaroori hai.

Haathon ko mulayem bnane k liye 1 behtreen nuskha neeche dia ja raha haijis haath na sirf mulayem ho jayen gy balk haathon ki rangat bhi nikhar jaye gi.

Jai ka aata 6 Ownce,garam paani 1ltr,lemon ka russ 1 bara chamach,Roghan-e-Zaitoon 1 chota chamach,Arq-e-Gulaab 1 chota chamach,Glacerine ka 1 chota chamach,Amunium 1 chota chamach.

Jai k aate ko garam paani mein daal kar raat bhar bheega rehne den,agli subh ise chaan len,ab is mein baqi ajzaa bhi shamil kar len,Is Mehlool ko din mein 3 baar apne haathon par malen,yeh haathon ki rangat ko khoobsoorat bna de ga.

Tps For Clear and Spot-Free Skin

Chehre K Daagh Dhab'bon or Phansiyon k Liye Tips

Sangtare k chilkon ko sukhaa kar bareek piece len or is safof ko paani mein milaa kar chehre par malen.

Is safof se chehre k daagh dhabbe or phansiyan dour ho jayen gi.

Beauty Tips For Dark & Dry Lips

Narm-o-MulayemLips k Liye Tips

Chehre ki nikhri rangat k saath saath honthon ki dilkashi bhi ehmiyat rakhti hai.Jo log honthon ki Siyahi ki waja se pareshan hain wo ab pareshan na hon.In k liye kuch easy tips paish hain:

• Lips ko soft rakhne k liye Roghan-e-Badaam ya Zaitoon k tail mein Shehed milaa kar rozana lagayen,doodh ki balayee mein kuch qatre lemon k shamil kar k lagaya ja sakta hai.

• Fresh milk ki jhaag honthon par lagane se honth gulaab ki trah red or narm-o-mulayem ho jayen gy.

• Angoor ya Grapefruit ka russ,pissi hui daarcheeni mein milaa kar lagane se honthon ki siyahi khatam ho jati hai.

• Arq-e-Gulab mein Glacerine laga kar honthon par lagaya ja sakta hai.Yeh amal din mein 2 baar dohrana bohut mufeed hai.

• Lipstick lagane se pehle honthon par Roghan-e-badaam lagayen,phir tissue se honthon ko khushk kar len,ab lipstick lgane se honth der tak taaza dum rahen gy.

Tips to avoid pimples

Chehre par pimples ka ban'na jawani mein daakhil hone ki alaamat hai jo barhti age k saath Jeans ki tabdeeli ki waja se namudaar hote hain.

pimples se chutkaara paane k liye in directions par amal karen:

Khushk Lasoorey 6 daane,anaab 6 daane,Mundi boti 6 daane,or braadah sandal 2 maashe le kar sb ashya ko 1 glass mein bhigo kar rakh den,subh uth kar chaan kar pee len,fayeda hoga.

Sabzian,phalon ka juice,saib,band gohbhi or hari sabziyan istemal karne se bhi chehre k daane khatam ho jate hain.

Kheera,mooli,qandhaari anaar or aam anaar ka juice peena bhi mufeed hai.

Tips for face skin problems

Agar Aap k chehre ki problems se dochaar hain to ye tips zaroor aazmayen.

Rozana nehaar munh neem garam paani mein lemon ka russ mila kar peene se rangat nikhar jati hai or chehra saaf shafaaf ho jata hai.

Kheeray ka russ,Glacerine or Arq-e-Gulab aadha aadha chae ka chamach le kar aapas mein milaa len,ye mixture jiild par lagane se rangat gori ho jati hai.

Agar chehre par garhe hon to multaani mat'ti le kar is mein arq-e-gulab daalen or mix kar k chehre par laga len,isk 15 minute baad chehre ko taaza paani se dho len,chehre par mojood garhe khatam ho jayen gy.

Mooli ka russ chehre par malne se keel mahason k nishan dour ho jate hain.Neem garam paani mein shehed milaa kar rozana peene se murjhaya hua chehra khil uthta hai.

Badaam k tail mein chand qatre lemon ka russ milaa kar lagane se lips ki siyaahi dour ho jati hai.Rozana subh savere honton par zaitoon ka tail lagane se honth red or narm-o-mulayem ho jate hain.

Angoor ka russ jild k liye bht mufeed hota hai,is k russ ko face mask k tor par istemal kia ja sakta hai,angoor ka russ chehre par lagayen or 15 minute baad chehra dho len,farq aap mehsoos karen gy.

Easy Tips For Wrinkles

 Jhurion K Khaatme K Liye Tips

Chehre par wrinkles dhalti age ki alaamat samjhi jati hain lekin baaz auqaat naujawan larkion k chehre par bhi jhurian mojood hoti hain.

Reseearch k mutabiq jab skin se nami khatam ho jae to skin dheeli honi shuru ho jati hai,jo khawateen skin ki care nhi kartin wo aksar aise problems ka shikaar ho jati hain.

• Sabse pehle skin mein nami ki kami k problem ko khatam karne k liye paani ka istemal zyada karen.
• Baqayedgi se exercise karne wali ladies zyada arse tak pur-kashish or tarutaaza rehti hai.
• Milk or milk se bani hui cheezon or zyada miqdaar mein fruits k juice ka istemal bhi sehat par masbat asraat murattab karta hai.
• Massage,ficial or maask bhi chehre ki jhuryon ko khatam krne mein ehm kirdaar adaa karte hain.
• Chehre par doodh ki thandi balaayee se massage karna jhuryon k khaatme ka zariya hai,daily 15 minutes tak massage karen,massage k doraan apki harkat hamesha ooper kaan ki taraf honi chahiye.
• Jhuryon k khaatme k liye Ande (egg) ki safedi ka mask behtreen hai,ise 10 minute tak face par laga rehne den or phir taaza paani se chehra dho len.
• isi trah 1 chataank dehi len or is mein 2 chamach shehd (honey) milaa kar face par lgana bhi bohut mufeed hai.

Tips For Strong And Shiny Hair

Baal (hair) attractive personality ka khaasah hain,Agar baalon ki shine khatam ho jae to aap ki personality par bura asar parta hai,dry hair personality ko mutaasar karte hain.

baalon ki dryness khatam karne k liye ye totkay aazmayen:

baalon mein shine laane k liye Sirkey se behtar koi cheez nahin,Safaid sirkah halke rang k baalon k liye or rangdaar sirkah black or bhoorey balon k liye behtreen hota hai.Iss se baal healthy or strong hote hain.

Agar aap k baal bareek hain to geelay balon ko dry na karen,baal jab zara khushk hon inhen halka sa blow dry karen.

Geele baalon ko mustehkem karne ka aik treeqa gel ka istemal hai,baal khushk hone k bad gel laga kar kanghi karen.

Agar aap k baal surkhi maayel hain to shampoo k baad chaaye k paani se dhone se rang mazeed pyara ho jaega.

Tips For Dry And Rough Hair

Rookhey Pheekay Baalon K Liye Tips

Agar Aap k baal rookhe or pheeke hain to pareshan na hon,aap k liye chand totkay haazir hain.

• 4 khaane k chamche Dahi (curd),2 khaane k chamche mehndi or 1 chaaye ka chamcha Naaryal ya Zaitoon ka le kar aapas mein achi trah blend kar len,or achi trah baalon mein lagayen,aadhe ghante baad sir dho len,ye amal week mein 2 ya 3 baar karen.

• Ande (egg) ki safedi or zardi alag alag kar len,zardi ko khoob phaint kar is mein 1 khaane ka chamach paani mila den,phir is zardi mein safedi achi trah phainten,yeh baalon me laga kar achi trah massage karen,aadhe ghante baad thande paani se sir dho len,aisa karne se baalon ki raunaq laut aaye gi.

• 1 khaane k chamche mein 1 khaane ka chamacha Sarson ka tail milayen,is mein 1 anda (egg) or aadha chaaye ka chamcha lemon ka russ mila den,phir baalon mein laga kar chand ghanton k liye kapra lapait kar chor den or phir chor den,is sse baalon mein rookha pan khatam ho jayega.

• Thori c Mayonnaise le kar baalon mein maalish karen or kuch der baad sir dho len is se baal naram or shiny ho jayen gy.

• Baalon ko shiny or thick karne k liye sir dhone k baad baalon mein kache Naaryal ka paani lagayen.

Easy Tips To Make Lips Beautiful

Hont Khoobsurat Bnane K Tips

Hont (lips) body ka intehaee sensitivemagar ehm hissah hain.Or insan k majmoohi husn mein ehm kirdaar adaa karte hain.

Sardi k Mausam mein hont aksar kharab ho jate hain,Sard hawayen honton ki saari khoobsurti khrab kar deti hain,chand tips darjzel hain:

• Khana khaane k baad hont achi trah saaf karen or saaf toliye se pooch len yeh amal honton ko khushki se bachata hai.

• Sone se pehle honton par balaaee ya ghee lagayen,2,3 bar lgane se honton ki khoobsurti barqaraar rakhi ja sakti hai.

• Lipstick ka istemaal mumkin ho to na karen.Zaitoon ka oil honton par lagane se honton ki taazgi barqarar rehti hai chipstick ka istemal bhi kia ja sakta hai.

Some Household Prescription Of Pretty Skin

Khoobsurat Skin K Chand Gharelu Nuskhay

• Sangtre k khushk chilke bareek piece len,in mein sarson ka oil milayen,ubtan bnayen or body par milen,baad azaan ghusal karen.

• Basin 100g,haldi 40g,sarson ka oil 40g
• In tamaam ingredients ko achi trah milayen or jism par maalish karen baad mein ghusal kar len.

• Basin 50g,kacha milk 100g
• in dono ka mixture bnayen or ghusal se pehle poore body par lagayen or ghusal kar len.

• Glacerine 100g,malaaee 20g,lemon 4 adad
• Glacerine or malaaee k mixture mein lemon nachoren,iski saare jism par maalish karen,baad mein ghusal kar len.

• Shehed (honey) 20g,lemon ka russ 10mm,water 70mm
• paani neem garam karen,isme shehd or lemon ka russ milayen achi trah mix kar k sari body or chehre par maalish karen 1 ghante k baad neem garam paani se dho len.

Skin Care in Winter

Mausam Sarma Mein Jild Ki Hifazat

• Nahane se pehle rozana body par roghan-e-zaitoon,naaryal ya sarson k oil ki aahistagi se 10 minute tak maalish karen.
• Mumkina had tak chehre or jism nange parts par soap ka use kam se kam karen.
• In hison par mumkin ho to ubtan ka istemaal karen.
• Dhoop mein baith'te waqt apni pusht sooraj ki taraf rakhen,chehre ko braah-e-raast sooraj ki kirnon se bachayen.
• Raat ko haathon or paa'on ko achi trah saaf karen or un par vaseline ya ghee ki achi tarah maalish karen.

Treatment For Prickly-Heat

Garmi-Daanon Ka Ilaaj

• Mumkina had tak thande maahol mein rahen or garam maahol se parhez karen.

• Mausam Barsaat mein jismaani mehnat kam karen.

• Din mein 2 martaba baqayedgi se ghusal karen.

• Mausam-e-Barsaat mein Nylon or masnoohi dhaagon k kapron k istemal se guraiz karen balk mumkinah had tak sooti kapre use karen.

• Zyada masala daar ashya coffee,tea wghaira peene or khaane se avoid karen.

• In daanon par khaarish karne se guraiz karen taa k zakhm na ban saken,zyada kharabi ki soorat mein doctor se mashwara karen.

• Apni khauraak mein Vitamin A k istemaal ko barhayen.

Treatment:

• Body par multaani matti malen or ise khush hone den,2 ghante baad saaf paani se dho len.
• Neem k taaza phool 50g le kar piece len or inhen paani mein milaa kar sharbat banayen,is sharbat ko 15 din tak subh-o-shaam istemaal karen.

Glowing Skin

Chamakti Damakti Rungat

Lemon Ka russ 1 tolah,roghan zaitoon 2 tolah,roghan badaam 1 tolah,teenon k mixture ko raat ko sote waqt chehre or haathon par malen,chand din mein rangat nikhar jaye gi.

Skin Glowing Tips

Jild Mein Nikhaar K Liye

Maaltey (Orange) k chilke thore se doodh mein bhigo den.

Chand ghante baad chilkon ko isi doodh mein pees kar baareek kar len,or is skin p ubtan ki trah use karen,skin spots clear ho jayen gy or skin glow karne lage gi.

Tips For Soft Feet

Naram-o-Mulayem Paa'on

Jab Nahaa kar nikeln to kisi cream ya lotion se paa'on ka massage karen agar ho sake to Glacerine ko hatheli par laga kar is mein chand drops paani milayen or phir massage karen.

Kuch Arsa baad aap dekhen gy k Aap k paa'on kbhi dry nahin hon gy na he heels phatten gi.

Agar phir bhi heels phatten to raat sone se pehle kisi chote tub mein garam paani len is mein koi bhi shampoo or thori miqdaar mein namak (salt) daal kar paa'on 15 ya 20 minute k liye is mein rakhen iss k baad paa'on saaf kar kkapre se thora ragren or cream laga len or halka sa massage karen or so jayen,subh uth kar paaon dho len.

Tips For Soft Skin

Soft Skin K Liye Totka

Aik glass arq-e-gulaab mein 2 bare chamche glacerine or aik lemon ka russ nachor den.

Raat ko sote waqt chehre,haath or paa'on ki phatti jild par mal len skin soft ho jaye gi.

Black Head Removing Tips

Keel Mahaason ka Khaatma

Sugar (cheeni) ko piece kar rakh len phir har 4 ya 5 din baad moonh dhote hue soap lga k chutki bhar pissi hui cheeni le k face pe massage karen khaas kar wahan jahan black heads hote hain.

Halka massage karne k baad dho len,is trah dhone se chehra ficial ki trah chamakta hua nazar ayega.

Tips For Fair Complexion

 Goray Rung k liye Tips

Dhoop mein agar rang kaala ho jaye to raat ko sone se pehle doodh (milk) me kheeray (cocumber) ka rus mila kar haathon or chehre par lagayen,15 minute baad soap se haath moonh dho len.

To Remove Dark Circles Around The Eyes

Aankhon K Gird Dark Circles Dour Karne K Liye

Neend ki kammi ya ba'az deegar reasons ki waja se aksar aankhon k gird dark circles par jate hain inhen dour krne k liye 1 bara chamcha Chambeli ka oil or is mein half lemon ka rus milaa kar aankhon k gird laga len.

Tips For Longer,Stronger and Thick Eyelashes

Lambi Or Ghan'ni Palkon K Liye Tips

Purani nail polish container ya maskara container ko achi trah wash kar len or isko in cheezon se bhar den:

Container ka 1/4 hissa Castor Oil,1/2 Vitamin E ka Oil,or 1/4 Eloevera ka gel(goodah).

Is saare mixture ko maskaare ki stick se achi trah mix karen or her roz sone se pehle is mixture ki patli si teh (layer) apni palkon par lagayen.

Castor Oil se aapki palken ghan'ni jab k Eloevera gel se aapki palken lambi hoti hain.Vitamin E palkon ki lambai ki raftaar mein tezi laata hai.Aik month baad aap dekhen gy k aapki palken lambi,ghanni or mazeed khoobsurat ho jayen gi.

Blackhead Removing Tips

Keel Mahason k Khaatme K Liye

Chehre pe blackheads ko remove karne k liye Neem k thore se pattay le kar kuchal lein or Multaani Matti bhigho kar is mein shaamil kar lein or iska rozana chehre par lape karen.

Istemaal k 15,20 minutes k baad chehra thande paani se wash kar len kuch din k musalsal istemaal se blackheads mukammal tor par khatam ho jayen ge.

Lape lagane k baad koshish kijiye k aap kisi se baat na karen warma munh hilne se chehre p lakeeren par jayen gi.